دیدا و فاڤالی دوورده‌خرێنه‌وه‌ له‌ پێناو جێکردنه‌وه‌ی یاریزانه‌ لاوه‌کان

به‌پێی ڕاپۆرتێک له‌ کۆتاییدا یانه‌ی ئه‌یسی میلان بڕیاری داوه‌ سنورێک بۆ یاریزانه‌ به‌ ته‌مه‌نه‌کان دابنێت و پشت به‌ یاریزانه‌ گه‌نجه‌کان ببه‌ستێت.

دوابه‌دوای مسۆگه‌رکردنی ده‌یڤد بێکهام و  دۆمێنیک ئه‌دیا  به‌ڕیوبه‌رانی یانه‌ی ئه‌یسی میلان پلانێکیان بۆ گواستنه‌وه‌ی هاوینه‌ی داهاتوو داناوه‌ و له‌ پلانه‌که‌دا بڕیاری دوورخستنه‌وه‌ی دیدا و جۆسیپی فاڤالی ش هاتووه‌ ، دیدا پێده‌چێت له‌م مانگی یه‌که‌ ڕووبکاته‌وه‌ به‌ڕازیل و فاڤال یش په‌یوه‌ندی بکات به‌ ستافی ڕاهێنه‌ر لیۆناردۆ . گرێبه‌ستی پیپۆ ئینزاگی ش له‌ کۆتایی ئه‌مساڵ کۆتایی پێدێت به‌ڵام به‌پێی پلانه‌که‌ ئه‌گه‌ری تازه‌کردنه‌وه‌ی هه‌یه‌  ، چه‌ند یاریزانێکیش تا ٢٠١١ له‌ یانه‌که‌ ده‌مێننه‌وه‌ وه‌ک ئه‌لیساندرۆ نێستا و کاخا کالادزه‌ و سیناتۆر ئه‌ندریه‌ پێرلۆ و ماسیمۆ ئه‌مبرۆسینی و جینارۆ گاتوسۆ و هه‌روه‌ها ڕۆناڵدینهۆ له‌ به‌رامبه‌ردا جێگری سه‌رۆکی یانه‌ی میلان ده‌یه‌وێت ئاستۆری و پالۆسکی بهێنێته‌وه‌  هه‌رچه‌نده‌ یانه‌ی پارما ئاماده‌ نیه‌ ده‌ستبه‌رداری بێت به‌ڵام زۆرێک به‌  میراتگری ئینزاگی داده‌نێن