یـــاریــــگـــا بۆ نوێترین هه‌واڵی وه‌رزشی

كاكا : به‌رشلۆنه‌ مافی خۆیه‌تی له‌ پله‌ی یه‌كه‌می ریزبه‌ندی بێت

رابه‌ر روستایی — Mon, 08 Feb 2010 21:05:51 +0000

یاریزانی ریال مه‌درید ده‌ڵێت : به‌رشلۆنه‌ مافی خۆیه‌تی له‌ پله‌ی یه‌كه‌م بێت و چاوه‌رێی خزمه‌تێكه‌ له‌ لایه‌ن ئه‌تله‌تیكۆ مه‌دریده‌وه‌
یاریزانی به‌رازیلی و یانه‌ی ریال مه‌درید كاكا پێیوایه‌ به‌رشلۆنه‌ ئه‌و تیپه‌یه‌ كه‌ له‌پله‌ی یه‌كه‌م بێت له‌ریزبه‌ندی خولی لیگای ئیسپانیدا ، هه‌روه‌ها هیواخوازه‌ كه‌ یانه‌ی ئه‌تله‌تیكۆ مه‌درید هاوكارێكیان بێت بۆ ڕاگرتنی سه‌ركه‌وتنه‌كانی به‌رشلۆنه‌ و كه‌مكردنه‌وه‌ی خاڵه‌كانی نێوانیان و گه‌یشتنیان به‌ سه‌ركه‌وتن و به‌ده‌ست هێنانی نازناوی ئه‌مساڵیان.
ده‌رباره‌ی تیپه‌كه‌ی ده‌ڵێت: تیپه‌كه‌مان به‌ هه‌ره‌مه‌كی سه‌رده‌كه‌وێت و ئاستی باشتر ده‌بێت هه‌روه‌كو ئێستا باشتربوینه‌، وه‌ یاریزانه‌كان ده‌گه‌رێنه‌وه‌ سه‌ر ئاستی راسته‌قینه‌ی خۆیان.

سیسك خه‌ڵاتی باشترین یاریزانی له‌ مانگی یه‌ناییر وه‌رگرت

Barzan T9 — Mon, 08 Feb 2010 20:08:53 +0000

بۆ چواره‌م جار له‌سه‌ر یه‌ك ئه‌ستێره‌ی ئیسپانی و یانه‌ی ئه‌ڕسینالی ئینگلیزی سیسك فابرێگاس خه‌ڵاتی EA Sports به‌ده‌ست ده‌هێنێت وه‌ك باشترین یاریزان له‌ مانگی یه‌ناییر له‌ یانه‌ی ئه‌ڕسینال،،،سیسك نزیكه‌ی 60% ده‌نگه‌كانی به‌ده‌ست هێنا كه‌چی به‌رگریكاری به‌لجیكی تۆماس ڤێرمالێن له‌ پله‌ی دووه‌مدا هات به‌ كۆكردنه‌وه‌ی 20% ده‌نگه‌كان وه‌ یاریزانی چیكی تۆماس ڕۆزێسكی له‌ پله‌ی سێیه‌مدا هات ڕێژه‌ی 10% وه‌ ئه‌و ڕێژه‌ی كه‌ ماوه‌ له‌سه‌ر یاریزانانی تر دابه‌ش كرا.

گاری كاهێل تا كۆتایی ئه‌م وه‌رزه‌ دوور ده‌كه‌وێته‌وه‌

Barzan T9 — Mon, 08 Feb 2010 19:59:29 +0000

ڕاھێنه‌ری یانه‌ی بۆڵتۆن واندێرزـی ئینگلیزی ئۆوین كۆیل ئه‌مڕۆ هه‌واڵێكی ناخۆشی پێگه‌یشت دوای ئه‌وه‌ی پشكنینه‌كان ئه‌وه‌یان ڕوون كرده‌وه‌ كه‌وا یاریزانی ھێڵی به‌رگری لاوی یانه‌كه‌ی گاری كاهێل تا كۆتایی ئه‌م وه‌رزه‌ له‌ یاریگاییه‌كان داده‌بڕێت دوای ئه‌وه‌ی تووشی پێكانێكی گه‌وره‌ بوو له‌سه‌ر ئاستی ده‌ستی،،،ئه‌م نه‌خۆشیه‌ كت و پڕه‌ هیوایه‌كانی ئه‌م یاریزانه‌ لاوه‌ی نه‌هێشت بۆ یاری كردن له‌ جامی جیهانی داهاتوو چونكه‌ ناوی له‌ دوا لیستی بانگێشت كراوی فابیۆ كاپێلۆ ـدا بوو،،،به‌رگریكاری گۆڵكاری یانه‌ی بۆڵتۆن كا تا ئێستا حه‌وت گۆڵی تۆمار كردووه‌ له‌ یاری ڕابردوو له‌ به‌رامبه‌ر یانه‌ی فولهامـدا به‌شداری نه‌كرد وه‌ نه‌ نه‌خۆشخانه‌ كه‌وتبوو ئه‌مه‌ش دوای ئه‌وه‌ی ده‌ستی زۆر ئه‌ستور ببوو وه‌ به‌ شێوه‌یه‌كی به‌رچاو پڕ ببو وه‌ دوواین پشكنینه‌ پزیشكیه‌كان ئه‌وه‌یان دووپات كرده‌وه‌ كه‌وا كاهیل بۆ ماوه‌ی سێ مانگ به‌لای كه‌مه‌وه‌ له‌ یاریگاییه‌كان دوور ده‌كه‌وێته‌وه‌.

تیاگۆ:ده‌مه‌وێت لێره‌ بمێنمه‌وه‌

ئاسۆس — Mon, 08 Feb 2010 19:39:09 +0000

تیاگۆ مێندێزی پورتوگالی یاریزانی یانه‌ی ئه‌تله‌تیکۆ مه‌درید که‌له‌ سه‌ره‌تای ئه‌م وه‌رزه‌ به‌خواستن له‌یانه‌ی یۆڤانتۆسه‌وه‌ ڕووی له‌یانه‌ ئیسپانیه‌که‌ کرد،ده‌یه‌وێت له‌ یانه‌که‌یدا بمێنێته‌وه‌ هه‌رچه‌نده‌ پێیوایه‌ قسه‌کردن له‌سه‌ر ئه‌و بابه‌ته‌ هێشتا زووه‌.تیاگۆ وتی:هێشتا زووه‌ ده‌رباره‌ی داهاتووی من قسه‌ بکه‌ین،به‌ڵام ده‌مه‌وێت لێره‌ بمێنمه‌وه‌،له‌به‌رئه‌وه‌ی ڕاهێنه‌ر بڕوای ته‌واوی خۆی پێت ده‌به‌خشێت”.هه‌روه‌ها وتی ئاستی یانه‌که‌یان به‌ره‌و باشتر ده‌ڕوات،به‌تایبه‌ت دوای دۆڕاندنیان به‌ چوار گۆڵی بێبه‌رامبه‌ر به‌رامبه‌ر ڕایسینگ سانتاندێر له‌ جامی شای ئیسپانیادا.بۆیه‌ تیاگۆ وتی”ده‌بێت له‌یاری داهاتوودا به‌ ته‌واوی پلانی ڕاهێنه‌ر جێبه‌جێ بکه‌ین و ته‌واوی هۆشی خۆمانی بده‌ینێ.

ئه‌ڕسناڵ ده‌یه‌وێت پارێزگاری له‌ فابریگاس بکات

ئاسۆس — Mon, 08 Feb 2010 19:37:35 +0000

یانه‌ی ئه‌ڕسناڵ ده‌یه‌وێت به‌نوێکردنه‌وه‌ی گرێبه‌ستی کاپتنی یانه‌که‌ی(سیسک فابریگاس) ڕێگه‌ له‌هه‌ردوو جه‌مسه‌ری تۆپی پێی ئیسپانیا،ڕیاڵ مه‌درید و به‌رشه‌لۆنه‌ بگرێت و په‌رژینێک دروستبکات له‌نێوان یاریزانه‌که‌ و هه‌ردوو یانه‌ ئیسپانییه‌که‌دا.سیسک گرێبه‌سته‌که‌ی له‌ساڵی 2013 کۆتای دێت،ده‌سته‌ی کارگێڕی یانه‌که‌ ده‌یانه‌وێت تاکو 2015 نوێی بکه‌نه‌وه‌ و بڕی 34 ملیۆنی له‌ماوه‌ی ئه‌و پێنج ساڵه‌دا پێده‌درێت،هه‌روه‌ها له‌کاتی به‌ده‌ستهێنانی نازناودا له‌گه‌ڵ یانه‌که‌ی پاداشت ده‌کرێت.جێی باسه‌ یانه‌ی به‌رشه‌لۆنه‌ و کاندیده‌کانی پۆستی سه‌رۆکی یانه‌،هه‌مووان به‌ڵێنی هێنانی فابریگاس ده‌که‌ن له‌ئه‌گه‌ر ده‌رچوونیاندا به‌سه‌رۆکی یانه‌که‌ و له‌پرۆژه‌کانی داهاتووی یانه‌که‌یه‌.هه‌روه‌ها یانه‌ی ڕیاڵ مه‌درید ده‌یه‌وێت په‌لکێشی ڕیزه‌کانی بکات،به‌ڵام له‌به‌ر زۆری نرخه‌که‌ی که‌ خۆی له‌ 60 ملیۆن ده‌دات،یانه‌ی ڕیاڵ مه‌درید ناتوانێت گرێبه‌ستی له‌گه‌ڵدا مۆربکات چونکه‌ پاره‌یه‌کی زۆری له‌گرێبه‌سته‌کانی ڕیکاردۆ کاکا و که‌ریم بێنزیما و کریستیانۆ ڕۆناڵدۆدا سه‌رف کردووه‌.هه‌روه‌ها جێی وه‌بیرهێنانه‌وه‌یه‌ له‌ 20 مانگی ڕابردوودا سیسک له‌لێدوانێکیدا وتبووی”زۆرێک له‌خه‌ڵک تێناگات ئه‌گه‌ر ڕۆیشتم”.وه‌کو کردنه‌وی ده‌رگایه‌ک به‌ڕووی یانه‌کاندا بۆ مۆرکردنی گرێبه‌ست له‌گه‌ڵیدا،چونکه‌ له‌به‌ده‌ستهێنانی هه‌ر نازناوێک له‌گه‌ڵ ئه‌ڕسناڵدا بێهیوایه‌.

بێنزیما:ئاماده‌م بۆیاریکردن دژی لیۆن

ئاسۆس — Mon, 08 Feb 2010 19:12:50 +0000

که‌ریم بێنزیمای هێرشبه‌ری پێشووی یانه‌ی ئۆڵۆمپیک لیۆنی فه‌ڕه‌نسی و ئێستای یانه‌ی یانه‌ی ڕیاڵ مه‌دریدی ئیسپانی ئاماده‌ی خۆی نیشاندا بۆ یاریکردن دژی یانه‌که‌ی پێشووی هه‌رچه‌نده‌ خۆشحاڵ نیه‌ به‌و ڕووبه‌ڕووبوونه‌وه‌یه‌.بێنزیما که‌به‌هۆی پێکانی گۆنزالۆ هیگواین بۆ سێ هه‌فته‌ و ڕاگرتنی کریستیانۆ ڕۆناڵدۆ بۆ دوو یاری،له‌چوار یاری ڕابردوو یانه‌که‌ی به‌رامبه‌ر یانه‌کانی ئه‌تله‌تیک،مالاگا،دیپۆرتیڤۆ و ئیسپانیۆل و دوو گۆڵی تۆمارکردووه‌،هه‌ردوو گۆڵه‌که‌شی له‌یانه‌ی دیپۆرتیڤ لاکرۆنیا بووه‌.بێنزیما له‌چاوپێکه‌وتنێکیدا له‌گه‌ڵ گۆڤاری لیکیپ ـی فه‌ڕه‌نسیدا ئاماده‌ی خۆی ده‌ربڕی بۆ یاریکردن به‌رامبه‌ر یانه‌ی پێشووی(لیۆن) خۆی ڕۆژی 16ـی ئه‌م مانگه‌ له‌خولی یانه‌ پاڵه‌وانه‌کانی ئه‌وروپادا،بێنزیما وتی:من یاریزانێکی پیشه‌گه‌رم و ئاماده‌م بۆ یاریکردن به‌رامبه‌ر یانه‌ی ئۆڵۆمپیک لیۆن.له‌هه‌مان کاتدا خۆشحاڵی خۆی ده‌ربڕی به‌یاریکردن له‌گه‌ڵ گۆنزالۆ هیگواین و به‌هێرشبه‌رێکی به‌توانا و گۆڵکه‌ری دانا.

گه‌رانه‌وه‌ی باڵنده‌یه‌كی كۆچه‌ریی

پێشره‌و عه‌تا — Mon, 08 Feb 2010 19:01:30 +0000

ئاماده‌كردنی / بێستون محمد تاوگۆزی

ياريزانى هه‌ڵبژارده‌ى عێراق ( سامر سعيد ) له‌پاش چه‌ند ساڵێك له‌ پيشه‌گه‌رى له‌ده‌ره‌وه‌ى ووڵات گه‌رِايه‌وه‌ خاكى عێراق وبه‌شێوه‌يه‌كى رِه‌سمى په‌يوه‌ندى كرد به‌يانه‌ى ( الشرطه‌ ) وه‌ ، شايانى باسه‌ سامر پێشتر له‌كيشوه‌رى ئه‌فريقاو له‌يانه‌ى ئه‌هلى ليبى يارى ده‌كرد و پاشان په‌يوه‌ندى به‌يانه‌ى شه‌مالى قه‌ته‌رييه‌وه‌ كرد وه‌دواجار گه‌رِايه‌وه‌ بۆ باوه‌شى نيشتيمان.

شیكردنه‌وه‌ی پێكانه‌كه‌ی كــاكــا

رابه‌ر روستایی — Mon, 08 Feb 2010 18:57:35 +0000

به‌پێی بڵاوكراوه‌یه‌كی زانستی له‌پێگه‌ی های كوڕه‌ی وه‌رزشی پێكانه‌ی كاكا ناوده‌برێت به‌ “Pubalgia” یاخود ” Sports hernia” كه‌ شیكردنه‌وه‌ی بۆ كراوه‌.

بریتیه‌ له‌ ئازارێك به‌هۆی پێكان له‌ ماسولكه‌كانی خواره‌وه‌ی كه‌مه‌ر(ناوقه‌د ) و ئازارێكی درێژخایه‌ن له‌م ناوچه‌یه‌، ئه‌م پێكانه‌ زیاتر له‌لای پیاوان بڵاوتره‌ نه‌وه‌ك له‌ ئافره‌تان ، ئه‌م نه‌خۆشیه‌ به‌هێواشی و له‌سه‌ر خۆ په‌ره‌ ده‌سێنێت .

زۆر بیرۆكه‌و لێكۆڵینه‌وه‌ كراوه‌ بۆ دیاریكردنی هۆیه‌كانی توشبون به‌م نه‌خۆشیه‌ و واده‌ركه‌وتوه‌ كه‌ ئه‌م نه‌خۆشیه‌ سه‌ره‌تا به‌هۆی ئازار له‌ناوچه‌ی ڕان به‌دیار ده‌كه‌وێت و هۆی سه‌ره‌كی سه‌رهه‌ڵدانی ئه‌م نه‌خۆشیه‌ بریتیه‌ له‌ هه‌ڵگرتن و پاڵه‌په‌ستۆی زیاتر له‌سه‌ر ماسولكه‌كانی سك به‌هۆی چاڵاكی و ماندووبوونی وه‌رزشی زیاد و به‌م هۆیه‌وه‌ ماسولكه‌و شانه‌كانی سك به‌رگه‌ی ئه‌م ماندووبونه‌ ناگرن و ده‌بێته‌ هۆی لاوازبوون و سه‌ره‌تای سه‌هه‌ڵدانی ئه‌م نه‌خۆشیه‌.

ئه‌م نه‌خۆشیه‌ دووچاری زۆرێك له‌ وه‌رزشوانان ده‌بێته‌وه‌ به‌تایبه‌ت یاریزانانی تۆپی پێ و هۆكی سه‌رشه‌خته‌و تێنس ، به‌ڵام زۆربه‌ی ئه‌وانه‌ی تووشی پێكان ده‌بن به‌م نه‌خۆشیه‌ یاریزانانی راكردنن به‌هۆی ماندووبونێكی زۆرو به‌كارهێنانی زیاتری ماسولكه‌كانی ران و ئه‌و ماندووبونه‌ی دووچاری ناوچه‌ی كه‌مه‌ر ده‌بێته‌وه‌ له‌ماوه‌ی پێشبركێكانی راكردنی گۆره‌پان و مه‌یدان .

نیشانه‌كانی نه‌خۆشیه‌كه‌:
* بوونی ئازار له‌ خواره‌وه‌ی لایه‌كی سك .
* ئازار له‌ ماسولكه‌كانی ڕان.
* بوونی ئازار له‌ كاتی هه‌ندێ جوڵانی له‌ناكاو.

دیاریكردنی نه‌خۆشی:
كارێكی زه‌حمه‌ته‌ بۆ دیاریكردنی ئه‌م نه‌خۆشیه‌ هه‌تا له‌ژێر سه‌رپه‌شتی دكتۆریش بێت له‌گه‌ڵ تاقیكردنه‌وه‌ی جه‌سته‌یی پێكاو ، ئه‌مه‌ش له‌به‌ر ئه‌وه‌یه‌ ئه‌م نه‌خۆشیه‌ هاوشێوه‌ی چه‌ند نه‌خۆشیه‌كی تره‌ به‌هۆی ماندووبونه‌وه‌ دروست ده‌بن، تاكو ئێستاش نه‌گه‌یشتینه‌ تاقیكردنه‌وه‌یه‌كی دیار بۆ دیاریكردنی نه‌خۆشیه‌كه‌.

چاره‌سه‌ر:
ئاسانترین رێگا بریتیه‌ له‌ پشووی ته‌واو تاكو ته‌واو چاره‌سه‌ر ده‌بێت ، ئه‌گه‌ر وه‌رزشوان به‌رده‌وام بێت له‌ سه‌ر ئه‌نجامدانی وه‌رزش له‌كاتێك دووچاری ئه‌م پێكانه‌ هاتبێت ئه‌وا ماوه‌ی چاره‌سه‌ر درێژتر ده‌بێت.
له‌هه‌ندێك كاتدا هه‌ندێك جۆری چاره‌سه‌ری تایبه‌ت به‌كاردێت وه‌كو ” حه‌بی ئیبۆپرۆڤین و كیسه‌ی به‌فر ” بۆ هێوركردنه‌وه‌ی ئازار كه‌ ماوه‌ی 20-30 خوله‌ك داده‌نرێت له‌سه‌ر شوێنه‌كه‌ بۆ ماوه‌ی 3-4 جار له‌ هه‌ر رۆژێكدا ئه‌مه‌ جگه‌ له‌ پشودان.
وه‌ئه‌گه‌ر به‌م رێگایه‌ چاره‌سه‌ر نه‌بوو ئه‌بێ روو له‌ نه‌شته‌رگه‌ری بكرێت.

به‌پشتیوانی خوا هه‌موو وه‌رزشوانێك دوور ده‌بێت له‌م جۆره‌ نه‌خۆشی و پێكانه‌ .

فرانک نۆوبڵ له‌ وێستهامه‌وه‌ چووه‌ وێست برۆمیچ

ئاسۆس — Mon, 08 Feb 2010 18:51:26 +0000

یانه‌ی وێستهام یونایتد ڕێگه‌ی به‌ هێرشبه‌ری لاوی یانه‌که‌ی(فرانک نۆوبڵ)ـدا به‌خواستن تاکو کۆتای ئه‌م وه‌رزه‌ بچێته‌ یانه‌ی وێست برۆمیچ که‌له‌ خولی یانه‌ پله‌ یه‌که‌کانی ئینگلته‌را به‌شداری ده‌کات.وێستهام دوای کڕینی هه‌ر یه‌ک له‌هێرشبه‌ران بینی ماکارسی و ئیلان میدۆ چیدی پێویستی به‌ تواناکانی هێرشبه‌ری هه‌ڵبژارده‌ی ئینگلته‌رای ژێر 19 ساڵ نه‌ما بۆیه‌ ڕێی پێدا بچێته‌ وێست برۆمیچ تاکو کۆتای وه‌رز.ڕۆبێرتۆ دی ماتیۆی ڕاهێنه‌ری وێست برۆمیچ خۆشحاڵی خۆی ده‌ربڕی به‌هێنانی فرانک نۆوبڵ بۆ ڕیزی یانه‌که‌ی و له‌و باره‌یه‌وه‌ وتی:فرانک یاریزانێکی زۆر باشه‌ و لاوه‌،خۆشحاڵم به‌خێرهاتنی ده‌که‌م بۆ یانه‌که‌مان،یه‌ک له‌ خه‌سڵه‌ته‌ باشه‌کانی ئه‌وه‌یه‌ ده‌توانێت وه‌کو هێرشبه‌ر له‌هه‌ر سێ پێگه‌که‌ یاری بکات،سه‌ری ڕم و باڵی ڕاست و چه‌پ.دواتر وتی:له‌خه‌سڵه‌ته‌ گرنگه‌کانی فرانک خێرای و به‌هێزیه‌که‌یه‌تی،هه‌روه‌ها نابێت ئه‌وه‌شمان له‌یادبچێت ئه‌و هێشتا زۆر منداڵه‌.

له‌ته‌قينه‌ویه‌كدا پێنج ياريزانى يانه‌ى الهنديه‌ برينداربوون

پێشره‌و عه‌تا — Mon, 08 Feb 2010 18:47:15 +0000

ئاماده‌كردنی / بێستون محمد تاوگۆزی

ستار جابر محمودى ئه‌ندامى ده‌سته‌ى ئيدارى يانه‌ى الهنديه‌و سه‌رپه‌رشتيارى تۆپى پێ ى يانه‌كه‌ رِايگه‌ياند كه‌ له‌كاتى سه‌ردانيان بۆ چله‌ى ئيمام حوسه‌ين له‌ پارێزگاى كه‌ربه‌لا ئۆتۆمبيلێكى بۆمب رِێژ كراو به‌ پاسى يانه‌كه‌ياندا ته‌قيوه‌ته‌وه‌و بووه‌ به‌هۆى بريندار بونى پێنج ياريزانى يانه‌كه‌يان كه‌ ئه‌وانيش ياريزانان (صباح عبدالحسن و حميد عبيس و حيدر ماليك و علاء عواج و احمد محمد صالح ) بوون كه‌ چوار ياريزانيان چاره‌سه‌رى ته‌واويان بۆ كراوه‌و له‌نه‌خۆشخانه‌ ده‌ركراون ، به‌ڵام هێرشبه‌رى يانه‌كه‌ ( صباح عبدالحسن ) برينه‌كه‌ى قوڵه‌و به‌رده‌وام له‌ نه‌خۆشخانه‌يه‌ ، محمود ئه‌وه‌شى رِاگه‌ياند كه‌ داوايان له‌ ده‌سته‌ى كاتى يه‌كێتى تۆپى پێ كردووه‌ كه‌ئه‌و يارييه‌ يان له‌به‌رامبه‌ر يانه‌ى ( موصڵ ) بۆ دوا بخه‌ن كه‌له‌گه‌رِى حه‌وته‌مى خولى نايابى عێراقييه‌ ، به‌ڵام داواكه‌يان قبوڵ نه‌كراوه‌.

کاریک:ڕیۆ شایانی شاره‌ی کاپتنییه‌

ئاسۆس — Mon, 08 Feb 2010 18:44:32 +0000

مایکڵ کاریکی یاریزانی هه‌ڵبژارده‌ی ئینگلته‌را و یانه‌ی مانچسته‌ر یونایتد ڕایگه‌یاند ڕیۆ فردیناند خاوه‌ن هه‌موو ئه‌و خه‌سڵه‌ت و تایبه‌تمه‌ندیانه‌ که‌ هه‌ر سه‌رکرده‌یه‌ک(کاپتنێک)ده‌بێت تیایدا بێت و بڕیاری به‌خشینی به‌ ڕیۆ دروستبووه‌.دوای ئه‌وه‌ی به‌هۆی کێشه‌یه‌کی تایبه‌تیه‌وه‌ شاره‌ی کاپتنی له‌ جۆن تێری سه‌ندرایه‌وه‌ و به‌خشرایه‌ ڕیۆ فردیناندی کاپتنی یانه‌ی مانچسته‌ر یونایتد،له‌لایه‌ن مایکڵ کاریکه‌وه‌ پێشوازی له‌و بڕیاره‌ کرا و له‌لێدوانێکیدا وتی:ڕیۆ یاریزان و سه‌رکرده‌یه‌کی باشه‌،ئه‌و یاریزانێکی جیهانی به‌ئه‌زموونه‌،ڕیۆ ڕێز له‌یاریزانان ده‌گرێت و له‌به‌رئه‌وه‌ من دڵنیام سه‌رکه‌وتوو ده‌بێت.

نیسته‌لرۆی داوای له‌ ناوبژیوانکرد یاریه‌که‌ ته‌واو نه‌کات بۆ ئه‌وه‌ی زیاتر یاری بکات

هێرش — Mon, 08 Feb 2010 18:36:08 +0000

هێرشبه‌ری هۆڵه‌ندی و یاریزانی تازه‌ی یانه‌ی هامبۆرگ روودڤان نسیته‌لرۆی له‌ خوله‌کی ٨٩ له‌لایه‌ن راهێنه‌ره‌وه‌ به‌شداری له‌ یاری یانه‌که‌ پێکرا به‌رامبه‌ر کۆڵن واته‌ پێش ١ خوله‌ک له‌ ته‌واوبوونی یاریه‌که‌ که‌ به‌ ئه‌نجامی ٣-٣ به‌کۆتا هات .. روود دوای یاریه‌که‌ له‌ لێدوانێکدا به‌ نیگه‌رانیه‌وه‌ وتی : که‌مترین کاتی یاریکردنم بوو له‌ ته‌واوی ژیانی وه‌رزشیم ، داوام له‌ ناوبژیوان کرد چه‌ند خوله‌کێک کات زیاد بکات بۆ ئه‌وه‌ی هه‌ندێک یاری بکه‌م هیوادارم رۆڵیکی گرنگم هه‌بێت له‌ یاریه‌کانی تر ئێمه‌ تیپێکین هه‌ڵبژاردنی زۆرمان هه‌یه‌ … شایه‌نی باسه‌ یانه‌ی هامبۆرگ له‌ پله‌ی چواره‌م دێت له‌ خولی ئه‌ڵمانیا و پیویستی به‌ ٦ خاڵه‌ بۆ ئه‌وه‌ی پێش شالکه‌ بکه‌وێت و ساڵی داهاتوو به‌شداری له‌ خولی یانه‌ پاڵه‌وانه‌کانی ئه‌وروپا بکات

ڤالۆدۆلید نرخی بلیته‌کانی دابه‌زاند بۆ ڤاله‌نتاین به‌ڵآم به‌ مه‌رجێکی سه‌یر !

هێرش — Mon, 08 Feb 2010 18:19:34 +0000

یانه‌ی ڤالۆدۆلیدی ئیسپانی ئه‌مڕۆ له‌سه‌ر ماڵپه‌ری فه‌رمی خۆی ڕایگه‌یاند بۆ یاری هه‌فته‌ی داهاتووی یانه‌که‌ به‌رامبه‌ر ریال ساراگۆزا که‌ له‌هه‌مان ڕێکه‌وتی ڕۆژی ڤاله‌نتاینه‌ و ده‌که‌وێته‌ ١٤ی ئه‌م مانگه‌ نرخی هه‌ر بلیتێک له‌و یاریه‌ داده‌به‌زێنێت ته‌نها بۆ ١٠$ به‌مه‌رجێک ئه‌و که‌سه‌ هاوسه‌ره‌که‌ی یاخود خۆشه‌ویسته‌که‌ی بهێنێت بۆ هاندانی یانه‌که‌ !!

کاکا : پێکانم نیه‌ و ده‌ستم به‌رزکرده‌وه‌ سوپاسی خوا بکه‌م

هێرش — Mon, 08 Feb 2010 18:14:40 +0000

ئه‌ستێره‌ی یانه‌ی ریال مه‌درید ریکاردۆ کاکا دوای یاری یانه‌که‌ی به‌رامبه‌ر ئیسپانیۆل که‌ توانی له‌و یاریه‌دا گۆڵێک تۆماربکات له‌ په‌یڤێکدا بۆ ڕۆژنامه‌ی AS ئه‌و پڕوپاگندانه‌ی ڕه‌تکرده‌وه‌ که‌ باس له‌ نه‌خۆشی یاریزانه‌که‌ ده‌که‌ن و وتی : ده‌ستم به‌رزکرده‌وه‌ سوپاسی خوا بکه‌م چونکه‌ ئه‌و هۆکاری هه‌موو شتێکه‌ ، ئه‌و پێکانه‌ش که‌ تووشم هاتبوو ئێستا نه‌ماوه‌ و له‌بیرکراوه‌ هه‌موو ئه‌و شتانه‌ی له‌ ڕۆژنامه‌کان باس ده‌کرێن ته‌نیا پڕوپاگنده‌ و درۆن .. شایه‌نی باسه‌ گۆڵه‌که‌ی کاکا یه‌که‌م گۆڵی بووه‌ دوای ٩١ ڕۆژ له‌ گۆڵتۆمار نه‌کردن

له‌یه‌که‌م یاریدا،ڕۆبینهۆ گۆڵی سه‌رکه‌وتنی یانه‌که‌ی کرد

ئاسۆس — Mon, 08 Feb 2010 18:12:30 +0000

دوای ئه‌وه‌ی نه‌یتوانی ئه‌و ئاسته‌ی لێی چاوه‌ڕوانده‌کرا له‌گه‌ڵ یانه‌ی مانچسته‌ر سیتی پێشکه‌شی بکات له‌خولی ئینگلیزیدا،بۆ له‌ده‌ستنه‌دانی چانسی یاریکردن له‌جامی جیهانی 2010 ڕۆبینهۆ ماوه‌یه‌ک به‌ر له‌ئێستا گه‌ڕایه‌وه‌ زێدی خۆی و یانه‌ی سانتۆس،ئه‌و یانه‌یه‌ی لێوه‌ی به‌ره‌و ئه‌وروپا و ڕیاڵ مه‌درید هه‌نگاوی نا.شه‌وی ڕابردوو له‌خولی به‌ڕازیلی(هه‌رێمی پاولێستا) یانه‌ی سانتۆس بووه‌ میوانی یانه‌ی ساوپاولۆ و توانی به‌ئه‌نجامی دوو گۆڵ به‌رامبه‌ر به‌ گۆڵێک لێی بباته‌وه‌ و بچێته‌ پێشه‌نگ.گێمی یه‌که‌م یانه‌که‌ی ڕۆبینهۆ به‌لێدانی سزا گۆڵی یه‌که‌می خۆی تۆمارکرد و دواتر له‌گێمی دووه‌مدا ساوپاولۆ ئه‌نجامه‌که‌ی یه‌کسان کرده‌وه‌،له‌ چاره‌کی سه‌ره‌تای گێمی دووه‌می یارییه‌که‌دا ڕاهێنه‌ر ڕۆبیهۆی هێنایه‌ نێو یاریگا،له‌خوله‌کی 86 ڕۆبینهۆ گۆڵی بردنه‌وه‌ و سه‌ره‌که‌وتنی بۆ یانه‌که‌ی تۆمارکرد و چوونه‌ پێشه‌نگی ڕیزبه‌ند.

لیۆناردۆ نیگه‌رانه‌ بۆ پاتۆ و نێستا

رابه‌ر روستایی — Mon, 08 Feb 2010 18:08:12 +0000

به‌رێوه‌به‌ری هونه‌ری ئه‌ی سی میلان له‌ دڵه‌ راوكێ دایه‌ و نیگه‌رانه‌ به‌تایبه‌ت بۆ هێرشبه‌ری به‌رازیلی و تیپه‌كه‌ی پاتۆ و به‌رگریكاره‌كه‌ی نێستای ئیتاڵی ، هه‌رچه‌نده‌ ئه‌م دوو یاریزانه‌ گه‌راونه‌ته‌وه‌ بۆ مه‌شقه‌كان به‌ڵام دڵه‌ راوكێیه‌كه‌ی زیاتر له‌به‌ر ئه‌وه‌یه‌ كه‌ ئه‌م دوویاریزانه‌ ته‌واو ئاماده‌ نین له‌لایه‌نی توانای جه‌سته‌ییه‌وه‌ بۆ به‌ژداریكردن له‌یاریه‌كی گرنگی تیپه‌كه‌ی كه‌ ئه‌ویش له‌خولی پاڵه‌وانانی ئه‌وروپا به‌رامبه‌ر مان یونایتده‌.
به‌م دواییانه‌ میلان رووبه‌رووی زۆر كێشه‌ بویه‌وه‌ به‌تایبه‌ت به‌هۆی دابڕانی ئه‌م دووانه‌ ، هه‌روه‌ها نه‌یانتوانیوه‌ سه‌ركه‌وتن به‌ده‌ست بێنن له‌م چوار یاریه‌ی رابردوو له‌ خوله‌ جۆراوجۆره‌كان .
به‌رێوه‌به‌ری هونه‌ری لیۆناردۆ دوپاتی كرده‌وه‌ كه‌ پاتۆو نێستا گه‌راونه‌توه‌ بۆ مه‌شقه‌كان له‌م چه‌ند رۆژه‌دا به‌ڵام دیار نیه‌ كه‌ توانایان هه‌یه‌ به‌ژداربن له‌یاریه‌كانی ئه‌م هه‌فته‌یه‌‌ یا نا ، یانه‌ی ئه‌ی سی میلان له‌ دوو یاری داهاتوودا رووبه‌روی هه‌ریه‌كه‌ له‌یانه‌كانی ئۆدێنیزی و مانچسته‌ر یونایتد ده‌بێته‌وه‌.

پێنجه‌م خاوه‌ندار بۆ پۆرتسمۆس به‌ڕێوه‌یه‌!

ئاسۆس — Mon, 08 Feb 2010 18:07:13 +0000

یانه‌ی پۆرتسمۆس له‌ وه‌رزی ئه‌مساڵدا چوار خاوه‌نداری به‌خۆوه‌ بینیوه‌ و به‌ڕێوه‌یه‌ بۆ خاوه‌ندار و سه‌رۆکی پێنجه‌م که‌بزنسمانێکی هۆنگ کۆنگ ـیه‌.به‌ڕێوه‌به‌ری جێبه‌جێکاری یانه‌ی پۆمپی مارک جاکۆپ ڕایگه‌یاند ده‌سته‌ی کارگێڕی یانه‌که‌ “دوو تا سێ” جار له‌گه‌ڵ بالرام چاینرای بازرگانه‌ هۆنگ کۆنگییه‌که‌ کۆبووته‌وه‌ و پێده‌چێت له‌چه‌ند ڕۆژی داهاتوودا ته‌واوی پشکه‌کانی یانه‌که‌ بکڕێته‌وه‌،دوای ئه‌وه‌ی 90%ـی پشکه‌کانی له‌ هه‌فته‌ی پێشوودا له‌ خاوه‌نی پێشوو کڕیه‌وه‌.جاکۆپ وتی:ته‌نها په‌یوه‌ندی به‌کاته‌وه‌ هه‌یه‌ و چه‌ند خاڵێکی بچووک ماوه.دواتر جاکوپ وتی:دوو تا سێ گرووپ له‌گه‌ڵ ده‌سته‌ی کارگێڕی گفتووگۆیان کردووه‌،هه‌روه‌ها به‌ڕێز چاینرای ده‌رباره‌ی هه‌مان شت دواوه‌ له‌گه‌ڵیاندا،بازرگانه‌کان له‌ شوێنه‌ جیاوازه‌کانی جیهانه‌وه‌ن،هه‌روه‌ها چه‌ند کڕیارێکی خۆماڵی پشکی تێدایه‌.

فابریگاس تازه‌کردنه‌وه‌ی گرێبه‌ست له‌گه‌ڵ ئارسناڵ ڕه‌تده‌کاته‌وه‌ !

هێرش — Mon, 08 Feb 2010 17:18:29 +0000

به‌گوێره‌ی ڕاپۆرتێکی ماڵپه‌ری سپۆرتی کاتالۆنی ئه‌ستێره‌ی یانه‌ی ئارسناڵ سیسک فابریگاس درێژکردنه‌وه‌ی گرێبه‌ستی له‌گه‌ڵ یانه‌که‌ی ڕه‌تکردۆته‌وه‌ به‌مه‌به‌ستی په‌یوه‌ندیکردن به‌ یانه‌ی به‌رشلۆنه‌وه‌ .. به‌گوێره‌ی ڕاپۆرته‌که‌ یانه‌ی گه‌نه‌رز له‌ گرێبه‌سته‌ تازه‌که‌ هه‌فتانه‌ بڕی ١٢٧ هه‌زار پاوه‌ندی بۆ سیسک ته‌رخانکردووه‌ به‌ڵام له‌گه‌ڵ ئه‌وه‌شدا یاریزانه‌که‌ گه‌ڕانه‌وه‌ی بۆ نیشتمان هه‌ڵبژاردووه‌ له‌ هاوینی داهاتوو ،، یانه‌ی به‌رشلۆنه‌ ئاماده‌یی خۆی نیشانداوه‌ به‌ پێشکه‌شکردنی ٥٠ ملیۆن پاوه‌ند و یانه‌ی ریال مه‌دریدش به‌هه‌مان شێوه‌ ململانێی کاتالۆنیا ده‌کات بۆ به‌ده‌ستهێنانی یاریزانه‌که‌ ..

ڤان ده‌ر سار:دڵخۆشم به‌گه‌ڕانه‌وه‌م

ئاسۆس — Mon, 08 Feb 2010 17:00:55 +0000

ئیدوین ڤان ده‌ر سار خۆشحاڵی خۆی ده‌ربڕی بۆ دووباره‌ گه‌ڕانه‌وه‌ بۆ یاریکردن له‌گه‌ڵ یانه‌که‌یدا دوای ئه‌وه‌ی سه‌ره‌تای وه‌رز به‌هۆی پێکان و دواتر به‌هۆی خوێنبه‌ربوونی ناواخنی مێشکی خێزانه‌که‌یه‌وه‌ له‌ یانه‌که‌ی دابڕا.ڤان به‌خۆشحاڵییه‌وه‌ وتی:”هه‌ستێکی زۆر خۆشه‌ گه‌ڕانه‌وه‌ بۆ یاریکردن،ئه‌و ماوه‌یه‌ی سه‌ره‌تای وه‌رز زۆر بیری ڕۆتیناتی هه‌فتانه‌ی یاریی و ڕاهێنانه‌کانم ده‌کرد،به‌ڵام ئێستا زۆر دڵخۆشم به‌گه‌ڕانه‌وه‌م بۆ یانه‌که‌م و دووباره‌ یاریکردنه‌وه‌ له‌گه‌ڵ مانچسته‌ر یونایتد”.دواتر وتی:شتێکی زۆر دڵخۆشکه‌ره‌ کاتێک لێره‌ پاڵپشتی و بڕوای یاریزان و ڕاهێنه‌رانت بۆ فه‌راهه‌م کراوه‌ و دڵخۆشم لێره‌”.

بروس:هاندرسۆن چه‌ند مانگێک داده‌بڕێت به‌هۆی پێکانه‌وه‌

ئاسۆس — Mon, 08 Feb 2010 16:49:32 +0000

ستیڤ بروسی ڕاهێنه‌ری سه‌نده‌رلاند ڕایگه‌یاند هێرشبه‌ری لاوی یانه‌که‌یان(جۆردان هاندرسۆن)به‌هۆی ئه‌و پێکانه‌ی تووشی بووه‌ بۆ چه‌ند مانگێک له‌یانه‌که‌ی داده‌بڕێت.هاندرسۆنی ته‌مه‌ن 19 ساڵ،له‌ یاری یانه‌که‌ی به‌رامبه‌ر ویگان که‌به‌ یه‌کسانبوونی هه‌ردوولا به‌گۆڵێک کۆتای هات،به‌هۆی چه‌ماندنه‌وه‌ی پێیه‌وه‌ تووشی پێکان هات.بروسی ڕاهێنه‌ری بلاک کاتز وتی:”جۆردان هاندرسۆن ڕۆژی پێنجشه‌مه‌ پشکنینی تیشکی بۆ ده‌کرێت و ماوه‌ی دوورکه‌وتنه‌وه‌ی له‌یاریگا دیاری ده‌کرێت،پێده‌چێت 4 بۆ 6 هه‌فته‌ دووربکه‌وێته‌وه‌ به‌ پشتبه‌ستن به‌ پشکنینه‌ سه‌ره‌تاییه‌کان”.

مانچینی ستایشی پاتریک ڤێرا ده‌کات

ئاسۆس — Mon, 08 Feb 2010 16:38:07 +0000

ڕۆبێرتۆ مانچینی ڕاهێنه‌ری مانچسته‌ر سیتی ستایشی یاریزانی نوێی یانه‌که‌(پاتریک ڤێرا)ده‌کات و بڕوای وایه‌ ده‌توانێت یاریزانێکی کاریگه‌ر بێت و یارمه‌تی هاوڕێکانی بدات ئاستیان باشتر ببێت،هه‌روه‌ها له‌گه‌ڵ هاوڕێکانیدا ئامانجی یانه‌که‌ به‌ده‌ستبهێنن له‌م وه‌رزه‌دا که‌سه‌رکه‌وتنه‌ بۆ خولی یانه‌ پاڵه‌وانه‌کان له‌وه‌رزی داهاتوودا.مانچینی ڕایگه‌یاند ڤێرا له‌یاری سبه‌ی یانه‌که‌ی به‌رامبه‌ر بۆڵتۆن یاری ده‌کات و هاوکات ستایشی ئاده‌م جۆنسۆنی یاریزانی لاوی یانه‌که‌ی کرد(که‌ له‌ ماوه‌ی ڕابردوودا له‌ میدڵزبرۆ ـوه‌ هاته‌ سیتیزن).مانچینی وتی:ڤێرا یاریزانێکی گرنگه‌ و هۆشمه‌نده‌ و ئه‌نجامه‌کانی ڕۆژی شه‌مه‌ سه‌لماندنی ده‌توانێت زۆر شت بۆ ئێمه‌ بگۆڕێت،من بڕوام وایه‌ هه‌موو یاریزانه‌کان ده‌توانن ئاستیان باشتربکه‌ن و ڤێرا ده‌توانێت یارمه‌تیان بدات.دواتر ستایشی ئاده‌م جۆنسۆنی کرد دوای ئه‌و ئاسته‌ به‌رزه‌ی له‌یه‌که‌م یارییدا به‌درێسی سیتیزن ـه‌وه‌ پێشکه‌شی کرد و وتی:”ئاده‌م یارییه‌کی زۆر باشی کرد و هێشتا ئه‌و یاریزانێکی لاوه‌،باوه‌ڕم وایه‌ ده‌توانێت زۆر باش بێت بۆ ئێمه‌ و سوودی زۆری لێده‌بینین”.

شه‌ماخ:ئه‌مه‌وێت بچمه‌ ئه‌ڕسناڵ

ئاسۆس — Mon, 08 Feb 2010 16:32:55 +0000

مه‌روان شه‌ماخ هێرشبه‌ری یانه‌ی بۆردۆ شه‌وی ڕابردوو له‌لێدوانێکیدا وتی ئه‌ڕسناڵ به‌سه‌ر لیڤه‌رپووڵه‌وه‌ په‌سه‌ند ده‌کات.شه‌ماخ له‌کۆتای ئه‌م وه‌رزه‌ بۆنده‌که‌ی له‌گه‌ڵ یانه‌ی بۆردۆ کۆتای دێت و ده‌توانێت به‌خۆڕای ڕووبکاته‌ هه‌ر یانه‌یه‌ک ئاره‌زووی ده‌کات.هه‌رچه‌نده‌ به‌پێی سه‌رچاوه‌ هه‌واڵییه‌کان ڕافا بینیتێز له‌گه‌ڵ یاریزانه‌ مه‌غریبیه‌که‌ ڕێککه‌وتووه‌،به‌ڵام ناوبراو پێی خۆشه‌ بچێته‌ ئه‌ڕسناڵ.شه‌ماخ شه‌وی ڕابردوو وتی:ئامانجی من چوونه‌ بۆ خولی ئینگلیزی،ئه‌گه‌ر سه‌رپشک بم له‌ هه‌ڵبژاردنی،ئه‌وا ئه‌مه‌وێت بچمه‌ ئه‌ڕسناڵ.دواتر وتی:بۆردۆ زۆری پێشکه‌شکردم.به‌م نزیکانه‌ داهاتووی خۆم ڕوونده‌که‌مه‌وه‌ تاکو یانه‌که‌ جێگره‌وه‌یه‌ک بۆ من فه‌راهه‌م بکه‌ن.به‌پێی ڕۆژنامه‌ی Sun Sport ڕافا بینیتێز بۆندێکی بۆ ماوه‌ی چوار ساڵ و موچه‌یه‌کی ساڵانه‌ی 3 ملیۆن جونه‌یهی ئیسته‌رلینی پێشکه‌شکردووه‌،به‌هه‌مان شێوه‌ فینگه‌ر له‌لای خۆیه‌وه‌ بۆندێکی پێشکه‌ش به‌ به‌ڕێوه‌به‌ری کاره‌کانییه‌وه‌ کردووه‌،به‌ بڕوای ڕۆژنامه‌ ئینگلیزییه‌که‌ بۆنده‌که‌ی فینگه‌ر هێنده‌ی بۆنده‌که‌ی ڕافا به‌رز نابێت.

پێده‌چێت کاهیل تاکو کۆتای وه‌رز دووربکه‌وێته‌وه‌

ئاسۆس — Mon, 08 Feb 2010 16:27:17 +0000

ئۆین کۆیلی ڕاهێنه‌ری یانه‌ی بۆڵتۆن وانده‌رز ڕایگه‌یاند گاری کاهیلی یاریزانی هێڵی به‌رگری یانه‌که‌یان به‌هۆی پێکانه‌وه‌ تاکو کۆتای وه‌رز نه‌گه‌ڕێته‌وه‌ نێو یاریگاکان.کاهیل له‌دوا یاری یانه‌که‌ی به‌رامبه‌ر یانه‌ی فوڵهام یاری نه‌کرد که‌ به‌یه‌کسانبوون به‌بێ گۆڵ کۆتایهات و ڕا‌هێنه‌ری یانه‌که‌ به‌ له‌ده‌ستدانێکی گه‌وره‌ی داده‌نێت بۆ یانه‌که‌ی که‌له‌ پێناو مانه‌وه‌ له‌خولی نایابدا ده‌جه‌نگێت.كۆیل به‌نیگه‌رانیه‌وه‌ وتی:”کاهیل به‌ده‌ست ئازارێکی زۆر له‌ده‌ستیدا له‌ڕۆژی پێش یارییه‌که‌وه‌ ده‌ناڵێنێت و ڕۆژی یارییه‌که‌ نه‌یده‌توانی یاری بکات و به‌په‌له‌ گه‌یاندمانه‌ نه‌خۆشخانه‌،هێشتا ئه‌نجامی کۆتای پشکنینه‌کان نه‌گه‌ڕاوه‌ته‌وه‌ و به‌ڵام پێیان ڕاگه‌یاندووین بۆ چه‌ند مانگێک داده‌بڕێت و له‌وانه‌یه‌ تاکو کۆتای وه‌رز نه‌گه‌ڕێته‌وه‌،چاوه‌ڕوانی وه‌ڵامی کۆتای پزیشکان ده‌که‌ین”.جێی باسه‌ گاری کاهیل هیواخوازبوو کاپێللۆی ڕاهێنه‌ری هه‌ڵبژارده‌ی نیشتیمانی بانگهێشتی بکات بۆ جامی جیهانی به‌هۆی ئه‌و ئاسته‌ به‌رزه‌ی پێشکه‌شی کردووه‌،به‌ڵام ئه‌م پێکانه‌ ڕه‌نگه‌ هیچ چانسێکی بۆ نه‌هێڵێت.

یۆڤانتس: 35 ملیۆن یۆرۆ بۆ هیگواین

سیروان عه‌باس — Mon, 08 Feb 2010 14:47:44 +0000

ڕاپۆرته‌ هه‌واڵه‌كانی ئیسپانیا به‌ به‌رده‌وام له‌دوای یاریزان هیگواین ده‌سوڕێنه‌وه‌ بۆ ئه‌وه‌ی ئاگاداربن له‌ رۆیشتن و مانه‌وه‌ی ناوبراو، له‌ ئێستادا ڕاپۆرتێكی وه‌رزشی نزیك له‌ مه‌دردیی پایته‌خته‌وه‌ ئه‌وه‌ی بڵاوكردۆته‌وه‌ كه‌وا یانه‌ی یۆڤانتسی ئیتاڵی زۆر به‌ جدی هه‌وڵی كڕینی یاریزان هیگواین ده‌دات، بۆ ئه‌م مه‌به‌سته‌ش بری 35 ملیۆن یۆرۆی ته‌رخان كردووه‌، بۆ ئه‌وه‌ی له‌ وه‌رزی زستانه‌ی گواستنه‌وه‌ی یاریزاناندا ناوبراو بهێنێته‌ ڕێزه‌كانیه‌وه‌، هیگواینی ته‌مه‌ن 22 ساڵان یه‌كێكه‌ له‌ گۆڵكاره‌ دیاره‌كانی یانه‌ی مه‌درید و له‌ وه‌رزی ئه‌مساڵدا له‌ 958 خوله‌ك یاریكردندا 12 گۆڵی تۆماركردووه‌ .

لیدز داوای سپرینگ ده‌كات

Barzan T9 — Mon, 08 Feb 2010 13:05:20 +0000

یانه‌ی لیدز یونایتدی ئینگلیزی ده‌یانه‌وێـت بۆندێك له‌گه‌ڵ ئه‌ستێره‌ی ئینگلیزی و یانه‌ی لیڤه‌رپوولی ئینگلیزی جای سپرینگ مۆر بكه‌ن به‌ شێوه‌ی خواستن تا كۆتایی ئه‌م وه‌رزه‌،،،سپرینگ سه‌رنجی ڕاهێنه‌ری یانه‌ی لیدز سیمۆن گرایسۆن ـی بۆ خۆی ڕاكێشاوه‌ وه‌ ده‌یه‌وێت بۆندێكی له‌گه‌ڵ مۆر بكات و بیباته‌ قه‌ڵای ئایلاند ڕۆد چونكه‌ گرایسۆن به‌ دوای یاریزانێكی هاوشێوه‌ی سپرینگ ده‌گه‌ڕێت وه‌ له‌ لایه‌كی تره‌وه‌ ڕه‌نگه‌ ڕاهێنه‌ری یانه‌ی لیڤه‌رپوول ڕافائێل بێنیتێز ئاره‌زووی دانی ئه‌م یاریزانه‌ی هه‌بێت بۆ لیدز بۆ ئه‌وه‌ی شاره‌زایی زیاتر په‌یدا بكات له‌ یاریگاییه‌كانی ئینگلته‌را و شێوازی یاری كردن تیایدا.

جێرارد جێگری كاپتنی سه‌ره‌كی هه‌ڵبژارده‌ی ئینگلیزی ده‌بێت

Barzan T9 — Mon, 08 Feb 2010 13:01:33 +0000

ئه‌ستێره‌ی یانه‌ی لیڤه‌رپوولی ئینگلیزی ستیڤن جێرارد ده‌بێته‌ جێگری كاپتنی نوێی هه‌ڵبژارده‌ی ئینگلیزی كه‌ له‌ دوای كێشانه‌وه‌ی نیشانه‌ی كاپتن له‌ یاریزانی یانه‌ی چێلسی جۆن تێری ئه‌وا یاریزانی یانه‌ی مانشسته‌ر یونایتد ڕیۆ فێردیناند وه‌ك كاپتنی هه‌ڵبژارده‌ی شێره‌كان ده‌ستنیشان كرا وه‌ جێرارد وه‌ك جێگره‌وه‌یه‌ك بۆ ئه‌و وه‌ كاپیلۆ سه‌باره‌ت به‌مه‌ ووتی،،،”كاتێك من جۆن تێری ـم هه‌ڵبژارد بۆ ئه‌وه‌ی ببێته‌ كاپتنی هه‌ڵبژارده‌ ئه‌وا فێردیناند وه‌ك جێگری ئه‌وه‌ بوو وه‌ ستیڤن جێرارد وه‌ك هه‌ڵبژاردنێكی سێیه‌م وه‌ ئێستا هیچ هۆكارێك نیه‌ بۆ ئه‌وه‌ی هه‌ڵبژاردنه‌كانی خۆم بگۆڕم”.

گرانیێرۆ:باشترین ساته‌كانی من هێشتا نه‌هاتووه‌

Barzan T9 — Mon, 08 Feb 2010 12:57:25 +0000

یاریزانی هێڵی ناوه‌ڕاستی ئیسپانی و یانه‌ی ڕیال مه‌دریدی ئیسپانی ئێستێبان گرانیێرۆ له‌ لێدوانێكیدا له‌گه‌ڵ ڕۆژنامه‌ی ASـی ئیسپانیدا سه‌باره‌ت به‌ باری خۆی له‌گه‌ڵ یانه‌ی شاهانه‌ دوا و ووتی،،،”من زۆر دڵخۆشم ئێستا نه‌ك ته‌نها به‌ یاری كردنم به‌ڵكو ئێستا ئێمه‌ تۆپی پێیه‌كی زۆر جوان پێشكه‌ش ده‌كه‌ین و كۆنترۆلی یارییه‌كانیش ده‌كه‌ین وه‌ هه‌ست ده‌كه‌م كه‌وا به‌ هه‌ردوو باری جه‌سته‌یی و هزری ئاماده‌م بۆ یاری كردن وه‌ هه‌رچه‌ند جار یاری بكه‌م ئه‌وا متمانه‌م زیاتر به‌ خۆم ده‌بێت به‌ڵام من به‌رده‌وام ئه‌وه‌ ده‌ڵێم كه‌وا باشترین كاته‌كانی من نه‌هاتووه‌”.

درۆگبا:هه‌موومان یارمه‌تی تێری ده‌ده‌ین

Barzan T9 — Mon, 08 Feb 2010 12:54:39 +0000

هێڕشبه‌ری یانه‌ی چێلسی ئینگلیزی دیدێ درۆگبا دانی به‌وه‌نا كه‌وا یانه‌كه‌ی تووشی هه‌ندێك كێشه‌ هاتووه‌ سه‌ره‌ڕای سه‌ركه‌وتنیان به‌سه‌ر یانه‌ی ئه‌ڕسینال به‌ ئه‌نجامی دوو گۆڵی بێ به‌رامبه‌ر وه‌ له‌ لێدوانێكیدا له‌گه‌ڵ SkySportsـدا ووتی،،،”گرانترین هه‌فته‌یه‌ كه‌ به‌سه‌ری ده‌به‌م له‌ یانه‌ چونكه‌ هه‌موو یاریزانان نیگه‌رانن سه‌باره‌ت به‌ كێشه‌كانی تێری وه‌ ئێمه‌ به‌ هه‌موو شێوه‌یه‌ك یارمه‌تی ده‌ده‌ین وه‌ باشترین شت ئه‌وه‌یه‌ كه‌وا به‌رده‌وام وه‌ك كاپتنی ئێمه‌ بمێنێته‌وه‌،هه‌وڵمان ده‌دا كه‌وا پارێزگاری له‌سه‌ر سه‌رنجی خۆمان بكه‌ین به‌ درێژایی یارییه‌كه‌ بۆ ئه‌وه‌ی سه‌ركه‌وتن به‌ ده‌ست بهێنین وه‌ توانیمان به‌ده‌ستی بهێنین وه‌ ئێستا چاومان له‌ بردنه‌وه‌ی زیاتره‌ بۆ ئه‌وه‌ی نازناوه‌كه‌ به‌ ده‌ست بهێنین،بردنه‌وه‌كه‌ گرنگی زیاتر بوو به‌ گۆڵه‌كانی من چونكه‌ دووباره‌ گه‌ڕاینه‌وه‌ پێشه‌نگایه‌تی”.

ڕۆسی:سوود له‌ دۆڕانی ئه‌نته‌رناسیۆنالێ وه‌رده‌گرین

Barzan T9 — Mon, 08 Feb 2010 12:50:12 +0000

یاریزانی هێڵی ناوه‌ڕاستی یانه‌ی ڕۆماـی ئیتاڵی دانیێلی دی ڕۆسی ئه‌وه‌ی دووپات كرده‌وه‌ كه‌وا به‌رده‌وام ده‌بن له‌ ڕاونانی یانه‌ی ئه‌نته‌رناسیۆنالێ تا كۆتایی ئه‌م وه‌رزه‌ ئه‌مه‌ش دوای ئه‌وه‌ی یانه‌ی پایته‌خت توانی خۆی بگه‌ینێته‌ پله‌ی دووه‌م دوای ئه‌وه‌ی له‌ جه‌وله‌كانی یه‌كه‌م له‌ پله‌كانی دواوه‌ـدا بوو،،،ڕۆسی سه‌باره‌ت به‌ سه‌ركه‌وتنی یانه‌ی ئه‌نته‌ر به‌سه‌ر یانه‌ی كالیاری به‌ پێكه‌نینه‌وه‌ ووتی،،،”من گریام،دوای ئێواره‌ی دوێنی چه‌ندین ئه‌نجامی باش ڕوویاندا بۆ ئێمه‌ وه‌ ناتوانین گوێ بده‌ینه‌ یانه‌ی ئه‌نته‌ر،ئه‌وه‌ی ئێستا به‌ده‌ستمان هێناوه‌ وامان لێده‌كات زیاتر بڕوامان به‌ خۆمان هه‌بێت به‌ڵام ئێستا ڕكابه‌ری له‌سه‌ر پله‌ی دووه‌مه‌ له‌گه‌ڵ یانه‌ی میلان نه‌ك ئه‌نته‌ر به‌ڵام به‌ دۆڕانی چه‌ند یارییه‌ك یانه‌ی ئه‌نته‌ر ڕه‌نگه‌ پله‌ی یه‌كه‌م له‌ ده‌ست بدات”.

ئینیێستا:هێشتا زۆر ماوه‌ پێشكه‌شی بكه‌م له‌م وه‌رزه‌

Barzan T9 — Mon, 08 Feb 2010 12:46:54 +0000

یاریزانی ئیسپانی و یانه‌ی به‌رشلۆنه‌ی ئیسپانی ئاندرێس ئینێستا توانی یاری 200ـمین له‌گه‌ڵ یانه‌كه‌ی ئه‌نجام بدات ئه‌مه‌ش له‌ یاری ڕابردوو له‌ به‌رامبه‌ر یانه‌ی خێتافی كه‌ به‌ ئه‌نجامی 2-1 به‌رشلۆنه‌ درێژه‌ی به‌ سه‌ركه‌وتنه‌كانی دا،،ئینیێستا كه‌ هه‌ندێك ئه‌وه‌ ده‌ڵێن كه‌ ئاستی دابزیوه‌ له‌م وه‌رزه‌ وه‌ له‌ لێدوانێكیدا له‌گه‌ڵ BarcaTVـدا ووتی،،،”من به‌رده‌وام به‌ دوای باشترین ده‌گه‌ڕێم وه‌ ئێستا هه‌ست ده‌كه‌م كه‌وا به‌ بارێكی زۆر باشدا تێپه‌ڕ ده‌بم تایبه‌ت دوای گه‌ڕانه‌وه‌م له‌ پێكان كه‌ به‌ شێوه‌یه‌كی به‌رده‌وام تووشم ده‌بوو،وه‌ شتێكی ئه‌سته‌مه‌ كه‌وا به‌راورد له‌ نێوان وه‌رزی ڕابردوو و ئێستا بكه‌ین چونكه‌ هێشتا كاتی زۆر ماوه‌ بۆ ئه‌وه‌ی ئاستی ته‌واوی خۆم پێشكه‌ش بكه‌م”.

ڕاپۆرت:مانشسته‌ر یونایتد گه‌ڕایه‌وه‌ بۆ جاك ڕۆدوێل

Barzan T9 — Mon, 08 Feb 2010 12:44:01 +0000

به‌ پێی هه‌واڵێكی ڕۆژنامه‌ی NewsOfTheWorldـی به‌ریتانی یانه‌ی مانشسته‌ر یونایتد دووباره‌ گه‌ڕاوه‌ته‌وه‌ بۆ گفتوگۆ كردن له‌سه‌ر مۆر كردنی بۆندێك له‌گه‌ڵ یاریزانی هێڵی ناوه‌ڕاستی یانه‌ی ئێڤێرتۆنی ئینگلیزی جاك ڕۆدوێل هه‌رچه‌نده‌ یانه‌ی تۆڤیز ڕازی نین به‌ فرۆشتنی ئه‌م ئه‌ستێره‌یه‌،،،چاودێران نرخی یاریزان ڕۆدوێل به‌ نزیكه‌ی 20 ملیۆن یۆرۆ ده‌خه‌ملێنن وه‌ ته‌نها ته‌مه‌نی 19 ساڵه‌ وه‌ ئه‌مه‌ش دوای ئه‌وه‌ی چه‌ند ئاستی به‌رزی پێشكه‌ش كرد وای كرد سه‌رنجی یانه‌كانی چێڵسی و ئه‌ڕسینال و مانشسته‌ر سیتی و مانشسته‌ر یونایتد بۆ خۆی ڕابكێشێت.

كاپیلۆ:كۆمه‌ڵه‌ی ئێمه‌ زۆر به‌هێزه‌

Barzan T9 — Mon, 08 Feb 2010 12:41:34 +0000

ڕاهێنه‌ری هه‌ڵبژارده‌ی ئینگلته‌را فابیۆ كاپێلۆ داوای كرد كه‌وا یارییه‌ك له‌گه‌ڵ هه‌ڵبژارده‌یه‌كی دوورگه‌ی به‌ریتانیاـی گه‌وره‌ بكات بۆ خۆ ئاماده‌ كردن بۆ یارییه‌كانی پاڵاوتنی جامی یۆرۆـی 2008،،،تیروپشكه‌كه‌ هه‌ڵبژارده‌ی ئینگلیزی شان به‌ شانی هه‌ڵبژارده‌كان سویسرا و بولگاریا و ویڵز و چیای ڕه‌ش دانا وه‌ له‌ لێدوانێكی كاپیلۆ له‌گه‌ڵ ڕۆژنامه‌ی The Sunـی به‌ریتانیدا ووتی،،،”پێم وایه‌ كه‌وا كۆمه‌ڵه‌ی یه‌كه‌م و حه‌وته‌م به‌ هێترین كۆمه‌ڵه‌ ـن له‌ پاڵاوتنه‌كه‌ وه‌ ئێمه‌ یه‌كێكین له‌ ئه‌ندامانی كۆمه‌ڵه‌ی حه‌وته‌م وه‌ ڕووبه‌ڕووی هه‌ڵبژارده‌ی زۆر به‌هێز ده‌بینه‌وه‌ وه‌ یاری زۆر به‌هێزیان له‌گه‌ڵ ئه‌نجام ده‌ده‌ین چونكه‌ خاوه‌ن لێزانین و یاریزانی پیشه‌گه‌رن،یاری كردن به‌رامبه‌ر ویلز زۆر گرانه‌ چونكه‌ ویڵز به‌شێكه‌ له‌ دوورگه‌ی به‌ریتانیا بۆیه‌ یارییه‌كی زۆر هه‌ستیار ده‌بێت بۆ هه‌ردوولا وه‌ هیوام وابوو كه‌وا كۆمه‌ڵه‌یه‌كی وا به‌هێز نه‌بێت به‌ڵام پێویسته‌ ئێستا ڕازی بین به‌ شته‌كان چونكه‌ هیچ ناگۆڕدرێت”.

ڕاپۆرت:لێدیسما بۆنده‌كانی ڕوسیاـی ڕه‌ت كرده‌وه‌

Barzan T9 — Mon, 08 Feb 2010 12:36:27 +0000

ماڵپه‌ری وه‌رزشی ئیتاڵی به‌ناوبانگ سپۆرت میدیا سێت ئه‌وه‌ی دووپات كرده‌وه‌ كه‌وا یاریزانی ئه‌رجه‌نتینی و یانه‌ی لازیۆـی ئیتاڵی كریستیان لێدیسما ئه‌و بۆندانه‌ی ڕه‌ت كرده‌وه‌ كه‌وا له‌ لایه‌ن چه‌ند یانه‌یه‌كی ڕوسیه‌وه‌ پێشكه‌شی كرابوون به‌م دووایه‌،،،ڕاپۆرته‌كه‌ باسی له‌وه‌ كرد كه‌وا یانه‌ی ڕۆبێن كازانی ڕوسی بۆندێكی به‌ بڕی 12 ملیۆن یۆرۆـی پێشكه‌ش به‌ یاریزان لێدیسما كرد وه‌ بۆنده‌كه‌ش بۆ ماوه‌ی چوار سال و مووچه‌ی ساڵانه‌شی ده‌گه‌یشته‌ سێ ملیۆن یۆرۆ كه‌چی یانه‌ی پایته‌خت و یاریزان ئه‌و بۆنده‌یان ڕه‌ت كرده‌وه‌ وه‌ هه‌روه‌ها ڕاپۆرته‌كه‌ باسی له‌وه‌ كرد كه‌وا بۆندێكی هه‌مان شێوه‌ له‌ لایه‌ن یانه‌ی زێنێت سان په‌ترسبۆرگ ـیشه‌وه‌ به‌ یاریزانی ناوبراو گه‌یشتبوو.

مانسینی:به‌ ڕێگایه‌كی دروستدا ده‌ڕۆین

Barzan T9 — Mon, 08 Feb 2010 12:33:26 +0000

یاریزانی نوێی یانه‌ی میلانی ئیتاڵی ئامانتینۆ مانسینی ئه‌وه‌ی ڕاگه‌یاند كه‌وا یانه‌كه‌ی به‌سه‌ر ڕێگایه‌كی دروستدا ده‌ڕوات هه‌رچه‌نده‌ له‌ ماوه‌ی ڕابردوو ئاستی كه‌مێك دابه‌زیوه‌ تایبه‌ت له‌ دوای دۆڕانی یاری دێربی به‌رامبه‌ر یانه‌ی ئه‌نته‌رناسیۆنالێ به‌ ئه‌نجامی دوو گۆڵی بێ به‌رامبه‌ر،،،مانسینی یه‌كه‌م یاری خۆی له‌گه‌ڵ یانه‌كه‌ی له‌ به‌رامبه‌ر یانه‌ی بۆلۆنیا ئه‌نجامدا كه‌ ئه‌نجامی یارییه‌كه‌ بێ گۆڵ كۆتایی پێهات ئه‌مه‌ش وای كرد یانه‌ی میلان به‌ جیاوازی 10 خاڵ بكه‌وێته‌ دوای یانه‌ی ئه‌نته‌ر كه‌ پێشه‌نگداره‌ وه‌ له‌ لێدوانێكی مانسینی ووتی،،،”من زۆر دڵخۆشم به‌ ئه‌نجام دانی یه‌كه‌م یاری وه‌ له‌ یه‌كه‌م تاقی كردنه‌وه‌ی من ئه‌و ئه‌نجامه‌ نه‌بوو كه‌وا چاوه‌ڕوانیم ده‌كرد هه‌موو شتێكمان تاقی كرده‌وه‌ به‌ڵام سه‌ركه‌وتوو نه‌بووین سه‌ره‌ڕای ئه‌مه‌ش ئێمه‌ به‌ ڕێگایه‌كی دروستدا ده‌ڕۆین وه‌ پێم وایه‌ ده‌توانین شتی زۆر به‌ده‌ست بهێنین”.

گۆردۆن تایلۆر:پێویسته‌ كێشه‌كانی نێوان تێری و برێج چاره‌سه‌ر بكرێن

Barzan T9 — Mon, 08 Feb 2010 12:30:08 +0000

سه‌رۆكی كاروباری یاریزانان گۆردۆن تایلۆر له‌ ئینگلته‌را داوای له‌ هه‌ردوو یاریزان جۆن تێری و واین برێج كرد بۆ ئه‌وه‌ی كێشه‌كانیان چاره‌سه‌ر بكه‌ن به‌ زووترین كات وه‌ له‌ دوای ئه‌مه‌ ڕاهێنه‌ری هه‌ڵبژارده‌ی ئینگلیزی فابیۆ كاپێلۆ نیشانه‌ی كاپتنی له‌ جۆن تێری سه‌نده‌وه‌ به‌ هۆی به‌د ڕه‌وشتی كه‌ هه‌ڵسا خه‌وتن له‌گه‌ڵ ده‌سگیرانی یاریزان واین برێج كه‌ فاشۆنازمێكی فه‌ڕه‌نسیه‌ به‌ ناوی ڤانێسیا برۆنسێل،،،گۆردۆن ده‌یه‌وێت هه‌موو شته‌كان هێور ببێته‌وه‌ وه‌ دوور بكه‌ونه‌وه‌ له‌ قسه‌ی ڕه‌ق كه‌ له‌م ڕۆژانه‌ هه‌واڵ له‌سه‌ر ئه‌م بابه‌ته‌ زۆری كردووه‌ له‌ ڕۆژنامه‌كانی ئینگلته‌را.